Институтан кхерчахь хьошалгIахь хилира студенташ
Тахана Институтан кхерчахь хьошалгIахь хилира Нохчийн Пачхьалкхан Хьехархойн Университетан Нохчийн филологин кафедран студенташ.
Вайн меттан а, литературин а хьокъехь кхолладеллачу хаттаршна жоьпаш лохуш, Институтан куьйгаллехь волчу Умхаев Хьамзат волчохь хилира уьш.
Цо дийцира царна вайн меттан Iилманехь, литературехь беш болчу балхах лаьцна.
Иштта Институтан музейхь а, лабораторешкахь а хилира студенташ.
Къаьсттана хазахетарца тIеийцира цара Нохчийн меттан йоккха нийсайаздаран дошам.
Иштта хьехархойн говзалла лакхайаккхаран центран белхахошца, хьехархойн балхах лаьцна а дийцира цара.
ТIейогIучу хенахь шайн дахаран некъахь вайн мотт а, литература а кхиорехь къахьега Iалашо а хилира церан.
Дала тIаьхье беркате йойла!