ХIутосург беттан 22-чу дийнахь Нохчийн меттан институтехь конкурсийн жамӀаш дар дӀадаьхьира

ХIутосург беттан 22-чу дийнахь Нохчийн меттан институтехь «Нохчийн меттан тоьлла хьехархо – 2023», «Нохчийн маттахь тоьлла сочинени», "Нохчийн меттан а, литературин олимпиадаш, " Цхьаьна йеший вай?" республикин конкурсийн жамӀаш дар дӀадаьхьира.

Номинацийн толамхой а, декъашхой а, толамхой кечбина хьехархой а, жюрин декъашхой а декъалбеш, дипломашца а, сийлаллин, баркаллин кехаташца а декъалбеш, мехала совгӀаташ даларца дӀадирзира и мехала цхьаьнакхетар.

Царна совгlаташ дlа а луш, хlинццалц схьа кхочушдинчух а, кхидlа хьалха лаьттачу декхарех а, нохчийн мотт кхиорехь вайн Мехкан Куьйгалло дечу гlуллакхех а дуьйцуш, вистхилира Нохчийн Республикин дешаран а, lилманан а министран заместитель волу Зубхаджиев Мохьмад-lела.

Цо шен къамелехь билгалдаьккхира, меттан хьал тодарехь беш болу болх шо мел долу а жигара болуш хилар. Иштта, нохчийн меттан хьелаш тодарехь, кхиорехь вайн Мехк-Дас хаддаза йечу тергонна даггара баркалла а элира цо.

Иштта даггара баркалла элира Мохьмад-lелас Нохчийн меттан институтан директорна Овхадов Мусана а, цуьнан белхахошна а!

Шен рогlехь вистхуьлуш, Нохчийн меттан институтан куьйгалхочо Овхадов Мусас институтан белхахойн цlарах даггара баркалла элира дешаран а, lилманан а министерствон куьйгаллина, нохчийн мотт кхиор lалашонца вовшах мел тухуш болчу балха тlехь даима гlо-накъосталла дарна.