Нохчийн меттан институтехь дӀайаьхьира рогӀера семинар
Мангалан беттан 12-чу дийнахь Нохчийн меттан институтехь хьехархошна лерина дӀайаьхьира, «Нохчийн меттан нийсайаздаран коьрта бакъонаш» цIе йолу рогӀера семинар.
Йуьхьанцарчу классийн нохчийн меттан а, литературин а хьехархойн, нохчийн меттан нийсайаздаран коьрта бакъонашца йоза йаздар дӀадахьаран керла кеп карайерзо а, дӀахьеха а гӀо лацаран Ӏалашонца дIахьош бу хIара болх.
Нохчийн меттан институтан куьйгалхочо Овхадов Мусас бовзийтира учебникаш тIехь орфографин хьокъехь бина хийцамаш.
Цул совнах хьехархошна довзийтира уьш берашна дlахьехаран некъаш.
- Мотт lалашбарехь а, дlахьехарехь а доккха дакъа диллар иза вайн хlораннан а декхар ду - билгалдира Нохчийн меттан институтан куьйгалхочо.
Дала ницкъ лойла вайна ненан мотт оьшучу барамехь lамо а, караберзо а.