Нохчийн меттан институтехь дӀайирзира йуьхьанцарчу классийн нохчийн меттан а, литературин а хьехархошна лерина рогӀера семинар

Мангалан беттан 13-чу дийнахь Нохчийн меттан институтехь дӀайирзира йуьхьанцарчу классийн нохчийн меттан а, литературин а хьехархошна лерина рогӀера семинар.

Республикин йерриге а кӀошташкара хьехархой бара кху деношкахь дIайаьхьначу семинарашкахь дакъалоцуш.

Йуьйцуш йолу Нохчийн меттан нийсайаздаран бакъонийн гулар хӀотторехь къахьегначу нохчийн меттан Ӏилманчас, Овхадов Мусас масалш далош мелла а кIорггера бовзийтира керлачу бакъонийн бехкамаш.

Цул совнах, нийсайаздаран керлачу бакъонашца доьзнарг шайн балхана йукъа муха дало деза а, иза берашна дIакхачорехь муьлхачу эвсараллин некъех, кепех пайдаэца мегар ду а довзийтира хьехархошна.

Хьехархоша билгалдаьккхира, кху тайпа семинар а, вовшах дагдовларш а, шайна оьшуш а, пайдехь а хилла хилар.

Нохчийн меттан хьехархочо мотт Iамийна ца Iаш, дешархочунна шен мохк а, къам а, цхьана дашца аьлча, нохчалла марзйеш къахьоьгу.

Дала аьтто бойла! Дала тIаьхье беркате йойла вай бечу белхан!